Ахмети: За овие 29 години државност, поминавме долг и тежок пат, а сепак се уште се соочуваме со големи предизвици пред нас

За овие 29 години државност, поминавме долг и тежок пат, а сепак се уште се соочуваме со големи предизвици пред нас, напиша во својата честитка по повод празникот 8 Септември - Денот на независноста, лидерот на ДУИ, Али Ахмети.

„Наша должност е да ги решиме овие предизвици, еден по еден, денес, за идните генерации да можат да живеат во мир и просперитет.

Честитки за Денот на независноста и благодарност до сите граѓани, но и до меѓународните пријатели кои се со нас и на нашето патување“, стои во честитката на Ахмети.