Два месеци по започнувањето на учебната година, 2.500 ученици во Општина Центар сè уште немаат добиено бесплатен училишен оброк што беше ветен во предизборието, обвини денеска Диана Ристовска Додевски, претседателка на УЖ на ВМРО-ДПМНЕ Центар и советник во Општина Центар.
Според неа, поради неспособноста на локалната власт, родителите продолжуваат сами да ги плаќаат оброците за своите деца. Ристовска Додевски истакна дека градоначалникот предложил субвенционирање наместо целосно бесплатен оброк, но додава дека понудената сума не покрива ниту половина од ветен износ.
„Јавноста заслужува да знае, зошто учениците од училиштата во општина Центар два месеци се без бесплатен оброк директно ветени од Герасимовски? Училиштата започна на први септември со работа, денеска е 16 ноември, центарци се излажани!“, наведе тя во изјавата, обвинувајќи ја актуелната локална власт за неизвршени предборбени ветувања.
И покрај критиките, таа потврди дека советниците од ВМРО-ДПМНЕ на седницата одржана во петок, 13 ноември, го поддржале предлогот за субвенциониран оброк во интерес на заштита на стандардот на учениците.

