Успесите на нашите најмлади секогаш стимулираат силни емоции и ја поттикнуваат
вербата дека имаме сигурни раце на кои можеме да ја оставиме Македонија и да
веруваме во подобра иднина. Затоа ја зголемивме поддршката кон талентираните, да
чувствуваат доволна грижа од државата, да останат тука и да придонесат кон нејзиниот
развој.
Ова го истакна министерката за образование и наука проф. д-р Весна Јаневска на
конференција организирана од Институтот за хемија при Природно – математичкиот
факултет во Скопје, на која беа претставени успесите на македонските ученици и
нивните ментори постигнати на меѓународните научни олимпијади по хемија во оваа
календарска година.
„Ги следам учествата на сите наши млади на меѓународните натпреварувања и водена
од успесите ваши и на генерациите пред вас, ми беше должност да се заложам, а
Владата ми даде поддршка и заедно го решивме предизвикот кој се провлекуваше од
минатото и го доведуваше во прашање учеството на македонски претставници на
големи меѓународни ученички натпреварувања. Од оваа година, Министерството за
образование и наука целосно ги покрива трошоците за пат и котизација на учениците и
нивните ментори кои ќе се квалификуваат на меѓународна научна олимпијада или
натпревар. Поставивме системско решение и повеќе никој нема да има финансиски
предизвици за да отпатува и да ја претставува својата земја“, рече Јаневска.
На Меѓународната олимпијада по хемија што годинава се одржа во Дубаи,
македонските ученици освоија по еден сребрен и бронзен медал, како и една
пофалница, додека на Меѓународната „Менделеев“ олимпијада во Бело Хоризонте во
Бразил освоија два бронзени медали.
„Овие деца се дел од таа генерација во која веруваме дека може да донесе подобри
времиња. Затоа што го ценат знаењето, постојано да надградуваат, знаат дека науката е
столб на просперитетот и што е најважно – имаат натпреварувачки дух и прифаќаат
предизвици што мора да се решат за да се стигне до победата“, рече Јаневска.
Изрази уверување дека министерството ќе продолжи да ги унапредува политиките за
поддршка на талентираните ученици и студенти, да доделува стипендии, парични
награди и да вложува во младите научници.
- Судење за пожарот во „Пулс“: Обвинителството презентираше докази за агенцијата „Рубикон“, одбраната тврди дека нема вина
- Дурмиши ги повика компаниите да аплицираат за државна поддршка: Рокот е до 15 јуни
- Трагедија на експресниот пат Прилеп – Градско: Две лица загинаа, едно во тешка состојба
- Од утре започнуваат електронските уписи во средните училишта: Еве ги клучните датуми и рокови
- Ѓорѓиевски од ЗЕЛС: Бараме најмалку 10% од ДДВ и 50% од персоналниот данок за општините
- Возеле без дозвола низ Скопје, Прилеп и Крива Паланка – приведени седум возачи
- Тепање сопруги, нападнат татко со нож и демнење – две лица лишени од слобода од вкупно шест пријави за семејно насилство
- Крвава пресметка во кумановско Романовце: 25-годишник избоден од двајца сограѓани, меѓу кои еден е малолетник
