Група луѓе се собраа вчера во Скопје, да го пречекаат поранешниот вицепремиер Артан Груби, кој излезе од куќниот притвор определен во рамките на случајот во кој тој е обвинет за проневера на државни пари од Лотарија.
Огномет, факели и чадни бомби беа сликата која може да се види, додека Груби во друштво на пријатели и соработници, се појави пред групата луѓе.
Принтскрин
По укинувањето на куќниот притвор, на Груби му се определени три мерки на претпазливост: забрана за напуштање на живеалиштето или престојувалиштето, обврска повремено да се јавува во суд, како и забрана за приближување и воспоставување контакт со одредени лица.
Истовремено, Кривичниот совет го одбил предлогот на одбраната за враќање на патната исправа со дадена гаранција, имајќи предвид дека надлежното јавно обвинителство дало негативно мислење. Мерката за одземање на пасошот и забраната за издавање нов документ остануваат во сила.
Поранешниот вицепремиер е обвинет во случајот „Државна лотарија“, во кој меѓу обвинетите се и поранешниот директор на претпријатието Перпарим Бајрами и уште неколку лица.