Тројца жители на Скопје, на возраст од 43, 35 и 61 година, се приведени во рамки на полициската акција „Чистач“, по сомнежи за уцена и загрозување на сигурноста на жител на Делчево.
Според пријавата, осомничените му се заканувале на делчевецот по животот и телото, барајќи од него да им исплати 10.000 евра. Како притисок, му се заканувале дека во спротивно ќе објават компромитирачки материјали за него.
По случајот, полициски екипи извршиле претреси на две локации во рамки на истрагата што се води во Основното јавно обвинителство Делчево.
При претресите бил пронајден пиштол „М57“ со калибар од 7,62 милиметри. По проверките било утврдено дека оружјето потекнува од тешка кражба извршена на подрачјето на Скопје.
Акцијата ја спровеле припадници на Одделот за криминалистичка полиција, во соработка со полициските служби од Делчево и Скопје. По документирањето на случајот се очекуваат кривични пријави против осомничените.