Портпаролот на ВМРО-ДПМНЕ, Валентин Манасиевски, денеска на прес-конференција остри критики упати кон претседателот на СДСМ, Венко Филипче, обвинувајќи го за политиката што ја водел заедно со поранешниот премиер Зоран Заев.
Според Манасиевски, Филипче сака да се претстави во друго светло откако претходно биле донесени одлуки кои, како што наведува, го загрозиле националниот идентитет.
– Филипче сака да стане партизан откако со Заев ги избришаа одлуките на АСНОМ од Уставот. Филипче сака да стане партизан, откако со Заев им дозволија на Бугарите да не потценуваат и да ни го негираат идентитетот, јазикот и културата. Филипче сака да стане партизан откако јасно со Заев подвлекоа дека бугарските фашисти во Втората светска војна биле администратори и ослободители – изјави Манасиевски.
Тој побара одговор отворено зошто се марширало во Прилеп и дали раководството на СДСМ ги знае идеалите од Втората светска војна, порачувајќи му на Филипче да не си игра со македонскиот народ.