Портпаролот на ВМРО-ДПМНЕ, Валентин Манасиевски, на денешната прес-конференција изјави дека Венко Филипче и натаму работи за бугарските интереси и молчи за прашањето со моштите на Цар Самуил. Според него, Филипче агитира директно за Бугарија и ги застапува нејзините позиции на штета на македонските.
Манасиевски истакна дека ставовите на Филипче околу уставните измени се идентични со оние на соседната земја, потсетувајќи на поранешните изјави поврзани со историските наративи за Втората светска војна и македонскиот јазик. Исто така, тој нагласи дека молкот за пренесувањето на моштите на Цар Самуил е резултат на претходни договори на историската комисија.
„Замислете на што сè е спремен Филипче за пуста власт да направи. Од стабри здравство, до марихуана економија и капитулација на идентитетот и интегритетот на Македонија“, рече Манасиевски.
Од владејачката партија порачаа дека претседателот Христијан Мицкоски и Владата заедно со граѓаните ќе го зачуваат државното достоинство.