Општина Центар во понеделник повторно ќе спроведе вонредна дератизација, откако и по акцијата пред само еден месец повторно било забележано зголемено присуство на глодари.
Со акцијата ќе бидат опфатени шахтите, просторот околу контејнерите и други ризични точки каде што има пријави или е забележано присуство на глодари.
Од почетокот на годината Општината спровела редовна пролетна и две вонредни дератизации, а во октомври е планирана и есенската акција.
Градоначалникот Горан Герасимовски вели дека само дератизацијата не е доволна и како еден од главните проблеми ги посочува нередовното чистење на контејнерите и натрупувањето отпад.
Од Општината најавуваат засилено следење на состојбата и во наредниот период.