Екс- градоначалникот на Општина Струмица, Костадин Костадинов, и неговата сопруга добија син на денешниот празничен ден, 8 Септември.
Брачниот пар му го даде името Никола на своето новороденче.
Костадинов ја сподели радосната вест преку објава на социјалните мрежи, во која му посака добродојде на својот син.
„Добредојде на свет, наш Никола! Бог сакал да бидеш роден на овој прекрасен ден и засекогаш да си го славиш роденденот заедно со твојата Македонија. Да си ни жив, здрав, среќен и од Бога благословен, сине!“, напиша тој.
Костадинов упати и празнична честитка до сите граѓани по повод Денот на независноста.
„Честит 8 Септември, Ден на независноста, Честит празник Македонијо!“, додаде Костадинов во објавата.
Воедно, тој изрази јавна благодарност до медицинскиот тим.
„Огромна благодарност до целиот тим на поликлиника Мартини, предводен од д-р Никола Маџунков, за нивната професионалност, грижа и посветеност во овие за мене и Снежана најважни моменти“, стои во неговото соопштение.