Украинскиот претседател Володимир Зеленски оцени дека одржувањето избори додека трае војната би претставувало огромен ризик за Украина и би можело да доведе до поделби во земјата.
Зеленски ова го изјави коментирајќи го повикот на неговиот поранешен министер за одбрана, Михајло Федоров, Украина да се подготви за одржување избори.
„Сметам дека во услови на ваква војна, изборите како такви претставуваат огромен ризик“, рече Зеленски.
Според украинскиот претседател, изборниот процес во услови на војна би можел сериозно да ја наруши националната кохезија.
„Изборите сега се цунами за државата, што ќе ја подели Украина“, рече Зеленски во разговор со медиумите.
Тој предупреди дека одржувањето избори во актуелните услови би било исклучително тешко, имајќи ги предвид воените операции и безбедносните ризици со кои се соочува земјата.