Токсикологот и професор на Медицинскиот факултет при УКИМ д-р Андон Чибишев напиша статус на неговиот Фејсбук-профил по шпекулациите дека водата во Скопје имала бактерија.
-Не го разбирам мотивот и потребата да се шират (дез) информации дека водата за пиење која ја користат граѓаните на Скопје е загадена со бактеријата Escherichia coli.
Не знам дали тие болни умови знаат што значи таквото загадување. Иако бактеријата Escherichia coli кај сите и во сите случаи не предизвикува симптоми и болест доволно е само 10 % од жителите на Скопје да развијат слика на воспаление на цревата тоа ќе значи дека за ден-два ќе има над 50 000 пациенти.
Тоа ќе значи голем проблем за државата и можен колапс на здравствениот систем.
МВР е на потег, итно да се откријат нарачателите, креаторите и промоторите на оваа гнасна лага која внесе надоверба и страв кај граѓаните на Скопје.
Без милост, без селективност.
Господ напомош!, напиша тој.