Голем пожар изби на територијата на општина Сопиште, во атарот на селата Света Петка и Соње, лоцирани зад планината Водно.
На терен веднаш започна интензивна интервенција на Бригадата за противпожарна заштита (БППЗ) Скопје со цел спречување на понатамошно ширење на пламенот.
Како поддршка на противпожарните екипи, на критичните позиции се упатени и четири специјализирани теренски возила „пинцгауер“ од Дирекцијата за заштита и спасување (ДЗС).
Поради сложеноста на теренот и интензитетот на пожарот, активирана е и воздушната поддршка, при што кон местото на пожарот се упатија три противпожарни авиони „ер трактор“.
