Викендов и во текот на следната седмица Македонија ќе биде под влијание на многу топло време со високи температури и мала до умерена облачност.
Управата за хидрометеоролошки работи (УХМР) на својата фејсбук-страница објави дека денеска е активно портокалово ниво на опасност од високи температури.
Минималната температура ќе биде во интервал од 12 до 20, додека максималната ќе достигне од 33 до 40 степени.
Во попладневните часови се очекува појава на локален развој на нестабилна облачност проследена со пороен дожд и ретки грмежи.
Високите температури ќе се задржат и во текот на ноќните часови.
Ќе дува слаб до умерен, а наместа долж Повардарието повремено засилен ветер од северен правец, кој повремено ќе достигнува брзина до 40 км/ч.
Во Скопје времето денеска ќе биде сончево и многу топло со мала до умерена облачност.
Ќе дува слаб до умерен ветер од северен правец, при што минималната температура ќе се спушти до 18, а максималната ќе достигне до 39 степени.