По силното невреме што денес го зафати Скопје и регионот, Општина Чаир одржа состанок на Кризниот штаб со цел да се процени состојбата на терен и да се координираат понатамошните активности.
Надлежните екипи се ангажирани на терен и остануваат во целосна готовност да интервенираат согласно утврдените потреби. По состанокот, градоначалникот на Општина Чаир, Изет Меџити, заедно со надлежните екипи излезе на терен за одблизу да ја согледа состојбата и да ги координира интервенциите таму каде што е потребно.
„Нашите екипи цело време се на терен и остануваат во целосна готовност. Внимателно ја следиме состојбата и ги координираме интервенциите таму каде што има потреба. Ги повикувам граѓаните да бидат внимателни и да ги следат препораките на надлежните институции сè додека состојбата не се нормализира,“ изјави Меџити.