Во периодот од јануари до јули 2026 година, екипите на ЈП „Комунална хигиена“-Скопје собрале и транспортирале вкупно 82.296 тони мешан комунален отпад од домаќинствата и стопанските субјекти на територијата на градот Скопје.
Во истиот период биле отстранети и 14.535 кубни метри отпад од диви депонии во сите скопски општини. Најголемо количество непрописно одложен отпад било подигнато во Општина Центар, каде биле отстранети 2.385 кубни метри.
Од ЈП „Комунална хигиена“-Скопје информираат дека продолжуваат со активностите за одржување на јавната хигиена низ градот, преку машинско миење на булеварите и улиците со автоцистерни, кое се реализира во вечерните часови.
Паралелно, секојдневно во три смени се спроведува миење и метење на плоштадите, пешачките мостови и патеки во централното градско подрачје, тротоарите на мостовите „Гоце Делчев“ и „Слобода“, како и во Старата скопска чаршија.
Во изминатите шест месеци, Еко-патролата на ЈП „Комунална хигиена“-Скопје составила 274 записници против стопански субјекти и физички лица кои биле затекнати при неправилно одлагање отпад.
Записниците за прекршителите на Законот за јавна чистота биле доставени до надлежните општини за понатамошно постапување.
1. Општина Чаир – 148 записници
2. Општина Карпош – 21 записници
3. Општина Аеродром – 30 записници
4. Општина Центар – 18 записници
4. Општина Ѓорче Петров – 16 записници
5. Општина Гази Баба – 35 записници
6. Oпштина Кисела Вода – 5 записника
7. Oпштина Бутел – 1 записник
ЈП Комунална хигиена-Скопје реализираше и низа еко-предавања и работилници во скопските основни училишта и предучилишни установи. Преку овие активности, вкупно 747 најмлади жители на нашиот град се едуцираа како правилно и совесно да постапуваат со својот отпад и колкаво е значењето на неговата примарна селекција.