Жителите на улицата „Никола Парапунов“ и делови од улиците „Разловечко востание“ и „Вич“ во општина Карпош вечерва ќе останат без вода поради зафат на водоводната мрежа, информира ЈП „Водовод и канализација“ – Скопје.
Прекинот во водоснабдувањето ќе започне во 18 часот, поради санација на два затворачи на улицата „Никола Парапунов“, а ќе трае до завршување на работите. Според најавите од претпријатието, водоснабдувањето се очекува да биде нормализирано околу 12 часот утре.
Од ЈП „Водовод и канализација“ посочуваат дека, доколку не бидат исполнети потребните технички услови, интервенцијата ќе биде одложена за следниот период.