Во просториите на Народната банка денеска ќе се одржи 58. сесија на Клубот на истражувачи, платформа наменета за презентација и размена на научно-истражувачки трудови од областа на монетарната политика, банкарството и макроекономијата.
На сесијата ќе биде презентиран трудот „Поширок поглед врз стабилноста на банките: Дали нефункционалните кредити се значајни за земјите во развој?“, чиј автори се проф. д-р Бесиме Зибери и д-р Артина Беџети Бафтијари.
Клубот на истражувачи претставува форум за дискусија на современи економски теми и истражувања, при што трудовите што се презентираат се базираат на емпириски анализи и научни методологии, во согласност со актуелните меѓународни стандарди.
Од Народната банка информираат дека сесиите се отворени за јавноста, а членството во Клубот на истражувачи е достапно за сите заинтересирани.