Општина Крива Паланка добива нов адреналински парк на локалитетот Калин Камен, кој во пресрет на празникот и роденденот на градот е наменет како подарок за најмладите, но и како ново место за авантура, дружење и рекреација.
Градоначалникот Сашко Митовски преку социјалните мрежи ја сподели информацијата за новата инвестиција, упатувајќи честитка по повод празникот на градот:
„Крива Паланка го добива новиот адреналински парк на Калин Камен! Во пресрет на роденденот на градот – подарок за нашите најмлади и ново место за авантура, дружење и незаборавни спомени! Честит празник граду наш!“
Новиот парк на Калин Камен претставува значајна развојна придобивка за туристичката понуда на регионот, создавајќи нови можности за активен и авантуристички туризам за посетителите од земјата и странство.
