Во соопштение од СДСМ се наведува дека, како што велат од партијата, Владата предводена од Христијан Мицкоски „признава дека нема пари за организирање референдум“, на кој граѓаните би одлучувале за прашања поврзани со нивната иднина.
Од СДСМ оценуваат дека со ваквиот став се доведува во прашање можноста за директно изјаснување на граѓаните по важни општествени и политички прашања.
Кога буџетот е во „одлична форма“?
Ова е уште една потврда дека во буџетот нема пари. Ова го зборуваме со месеци, бидејќи се задолжуваат секојдневно.
Има пари само за криминалната група ВМРО.
Има пари за 161 тендер за семејната фирма на Томовски, има пари за 93 тендери за Мастеф, има за 51 тендер преку општините за омилената фирма на власта Пирамид Билдинг, има пари за 74 тендери за Ленди груп, има 9 милиони евра за фирма со само двајца вработени, има од 1,2 милиони евра за фирма блиска до ЗНАМ преку Пошта.
Има за нивните криминални тендери. Има за нов авион за Мицкоски да оди на море.
Нема пари за поголеми плати, нема за 600 евра миниманлна плата, нема пари за мерки за граѓаните, нема пари за субвенции за земјделците.
Нема за референдум на кој граѓаните треба да одлучат за својата судбина, за иднината на своите семејства и своите деца.
Граѓаните не сакаат да ја плаќаат цената на криминалот на Мицкоски и неговата банда.
Граѓаните мора да ја земат одлуката за иднината во свои раце.
Распишете референдум! Граѓаните нека одлучат!