Американскиот претседател Доналд Трамп изјави дека ниту една држава нема да ја контролира Ормускиот Теснец, нагласувајќи дека станува збор за меѓународен морски премин кој мора да остане отворен за сите.
Трамп порача дека САД внимателно ја следат ситуацијата во регионот и нема да дозволат каква било еднострана контрола врз еден од најважните светски енергетски коридори.
„Ниту една држава нема да ја контролира Ормускиот Теснец“, изјави Трамп, додавајќи дека слободата на пловидба е од клучно значење за глобалната економија и енергетската стабилност.
Изјавата доаѓа во период на засилени тензии на Блискиот Исток и шпекулации околу можни договори поврзани со безбедноста и управувањето со теснецот.
Ормускиот Теснец е еден од најважните поморски премини во светот, преку кој минува значителен дел од глобалниот транспорт на нафта и гас.