Скандалозниот севернокорејски притисок на ВМРО ДПМНЕ и амнестираниот Моќник Антонио Милошоски врз Обвинителството и правдата продолжува и тоне во очај, велат од ДУИ.
„ВМРО ДПМНЕ се жали на прогон од страна на СДСМ и СЈО, а денес го прави истото на најбрутален начин, и од прогонуван, стана политички прогонител.
Не го прави на другиот, тоа што не сакаш да ти го прават тебе.
Моќникот Милошоски, од извикување на пароли “Гасни комори за шиптари”, “Мртов шиптар, добар шиптар”, стигна до амнестија за потврден криминал и затоа нема политички, човечки, правен кредибилитет.
ВМРО да престане со партизирање на Обвинителството и политичкиот прогон.
ДУИ веќе ја информира целата меѓународна заедница која што е скандализирана од бруталниот партиски притисок и нарачки кон обвинителството.
Го охрабруваме обвинителството, каде што нема дело, нема докази, нема штета, да ги отфрли политичките кривични пријави за политички прогон и да не потпаѓа под владин и партиски притисок, туку да делува според закон“, стои во соопштението од ДУИ.