Јавноста во Феризај е во шок по незапаметеното злосторство што се случило на 5 мај во локалниот Оддел за итни случаи. Млада девојка (21) е осомничена дека го убила сопственото новороденче веднаш по породувањето во болничкиот тоалет.
Настанот се случил околу 19:45 часот, кога девојката се пожалила на болки во стомакот, но пред лекарите негирала дека е бремена. Наместо тоа, таа тврдела дека има проблеми со циклусот.
„Медицинскиот персонал се посомневал кога слушнал необичен шум од тоалетот. Кога влегле внатре, го пронашле новороденчето со траги на задушување“, пренесуваат локалните медиуми.
Основниот суд веќе покрена постапка за кривично дело „убиство на новороденче при породување“. Телото на бебето е предадено на обдукција, а мајката е задржана на лекување под строг полициски надзор.