Вицепремиерот и министер за транспорт, Александар Николоски, денеска информираше дека е објавен тендерот за избор на надзор за третата фаза од изградбата на пругата кон Бугарија. Според најавите, за десетина дена се очекува да биде распишан и тендерот за избор на изведувач, што е клучен чекор за отпочнување на градежните активности на терен во текот на претстојното лето.
Ова беше соопштено пред состанокот посветен на реализацијата на Коридорот 8, кој се одржува во соработка со Делегацијата на Европската унија во Скопје. Министерот Николоски нагласи дека во фокусот на разговорите е не само источното, туку и западното железничко крило на Коридорот 8, како и напредокот на патните делници.
„Изградбата на железничкиот и патниот дел од Коридорт 8 ќе чини 5 милијарди евра. Државата покажува дека може да спроведува големи инфраструктурни проекти“, изјави Николоски, потенцирајќи ја сериозноста на владината заложба за овој стратешки проект.