Извозот на сурова нафта од Блискиот Исток во септември пораснал на 12,8 милиони барели дневно, највисоко ниво од февруари, кога почна израелско-американската воена интервенција против Иран. Податоците се на компанијата „Кплер“.
Закрепнувањето главно се должи на зголемениот извоз преку Ормускиот Теснец. Овој месец преку него се очекува да поминуваат околу 7,4 милиони барели дневно, откако Саудиска Арабија дел од испораките ги пренасочи поради оштетувањето на клучен нафтовод.
Сепак, извозот од регионот и натаму е значително под нивото од февруари. Тогаш дневно се извезувале 18,8 милиони барели, што е околу шест милиони повеќе од сегашното ниво.
Саудиска Арабија, како најголем регионален извозник, во септември се очекува да испорача околу 5,4 милиони барели дневно. Во август нејзиниот извоз бил нешто под два и пол милиони барели дневно.
Податоците покажуваат дека минатата недела низ Ормускиот Теснец поминале 19 големи танкери со саудиска нафта, секој со товар од околу два милиони барели.