Денес претпладне времето ќе биде сончево со умерена облачност, проследено со слаб до умерен ветер од јужен правец. Во попладневните часови ќе има променлива облачност со повремени сончеви периоди, а на одредени места се можни услови за локален слаб дожд.
Минималните температури ќе се движат помеѓу -3 и 4 степени, додека максималните ќе бидат од 13 до 18 степени.
Во Скопје, претпладнето ќе биде сончево со умерена облачност, а попладне се очекува постепено зголемување на облачноста. Ќе дува слаб до умерен ветер од јужен правец. Минималната температура ќе се спушти до околу 1 степен, а максималната ќе достигне до 17 степени.
Во вторник и среда претпладне ќе преовладува променливо облачно време со повремени локални врнежи од дожд, кои на некои места може да бидат и пообилни. Во среда и четврток ќе дува умерен ветер од источен и североисточен правец, кој на моменти ќе биде засилен. Воедно, дневните температури ќе покажат тенденција на постепено намалување.