Портпаролката на СДСМ, Богданка Кузеска, на денешната прес-конференција упати серија обвинувања до премиерот Христијан Мицкоски и ВМРО-ДПМНЕ за, како што вели, свесно лажење на граѓаните. Според СДСМ, иако цената на нафтата на светските берзи опаѓа, македонските граѓани плаќаат поскапо гориво бидејќи Владата одбива да ја намали акцизата.
„Кога беа опозиција бараа намалување на акцизите, а денес кога можат да го направат тоа – одбиваат. Сите земји во регионот воведоа мерки за ограничување на цените, само владата на Мицкоски профитира на грбот на народот“, истакна Кузеска.