Светот е во исчекување на одговорот по најобемната воена операција на Иран од почетокот на војната. Во текот на изминатата ноќ, Техеран истрела масовен бран ракети и дронови, кои освен Израел, погодија и цели во Саудиска Арабија, Кувајт и Бахреин.
Иранската револуционерна гарда потврди дека една од примарните цели била базата на Петтата флота на американската морнарица во Бахреин, што го доведува регионот на работ на тотална војна. Иако израелската противвоздушна одбрана собори голем дел од проектилите, израелската армија (ИДФ) веќе детектираше втор бран и е во состојба на највисока борбена подготвеност.