Јавното претпријатие „Водовод и канализација“ – Скопје ја информира јавноста дека водата во градската мрежа е целосно безбедна и одговара на сите законски стандарди за квалитет.
Секторот за санитарна контрола, во периодот од 23 до 27 февруари 2026 година, изврши темелни испитувања на 41 мерно место низ главниот град. Притоа се земени 185 примероци за физичко-хемиска и исто толку примероци за микробиолошка анализа.
„Согласно добиените резултати, сите примероци одговараат на Правилникот за барања за безбедност и квалитет на водата за пиење“, соопштуваат од претпријатието, потврдувајќи дека водата во Скопје останува со висок квалитет за конзумација.