Популарниот српски пејач Пеѓа Јовановиќ важи за еден од најангажираните изведувачи во регионот – полни арени, реди хитови и бележи голем успех на музичката сцена. Сепак, неговиот приватен живот со години беше исполнет со турбуленции.
Неговата сопруга, дизајнерката на костими за капење Ана Јовановиќ, двапати се разведуваше од него, по што следуваа смирувања. Минатата година повторно се соочија со брачна криза, иако нивниот брак трае 18 години и од него имаат три деца.
Двојката и претходно поминувала низ разделби и повторни помирувања. Пејачот во неколку наврати отворено зборуваше за проблемите со алкохолот и призна дека токму зависноста и начинот на живот биле главна причина за нарушените односи. По, како што вели, личната промена и откажувањето од алкохол, тие повторно се смириле, овојпат со намера тоа да биде конечна одлука.
За роденденот на сопругата, Јовановиќ јавно ѝ се заблагодари за трпението, поддршката и љубовта низ годините, истакнувајќи дека имал среќа што таа останала покрај него и во најтешките периоди.
-„Велат дека од грешките се учи. Ние мажите често мислиме дека сме јаки и дека сè знаеме, a всушност… не сме ни свесни каде сè протекуваме… И тогаш грешиме баш таму каде што најмногу боли. Ги запоставуваме оние кои најмногу нè сакаат, даваме приоритет на некакви глупости. И дури подоцна, а често и предоцна, сфаќаме што сме изгубиле. Јас ја имав таа среќа една жена да остане покрај мене. Денес е нејзин ден и сакам да ѝ кажам фала. За секое молчење кога бев тежок, за секоја насмевка кога ми требаше светло, за сите години трпение, сила и љубов. Среќен роденден моја дамо!, напиша тој за роденденот на сопругата.
Инаку, 37-годишната Ана е активна на социјалните мрежи, каде често споделува фотографии од патувања на егзотични дестинации и привлекува внимание со својот изглед.
