По синоќешниот земјотрес од 4,6 степени со епицентар во Косово, кој беше силно почувствуван и кај нас, сеизмичката активност во регионот продолжи во текот на целата ноќ. Податоците од меѓународните служби покажуваат серија нови потреси во Турција, Грција и Егејското Море.
Најновите регистрирани потреси се случија утрово во западна Турција (2.0 степени во 06:37 часот) и Грција (2.8 степени во 06:25 часот). Претходно, во раните утрински часови, земјотрес со јачина од 2.8 степени беше евидентиран и на островот Крит.
Сеизмолозите смируваат дека станува збор за вообичаена активност по посилен потрес.
„Станува збор за земјотреси со ниска до умерена магнитуда, кои вообичаено не предизвикуваат материјални штети, но укажуваат дека регионот и натаму е сеизмички активен.“
Во текот на ноќта беа забележани уште неколку послаби потреси во централна и источна Турција, со магнитуди кои варираа помеѓу 0.9 и 2.3 степени според Рихтер. Засега нема информации за нови потреси во епицентралното подрачје во Косово.