Времето денеска ќе биде променливо облачно со повремен локален дожд. Ќе дува умерен, а наместа и повремено засилен ветер од јужен правец. Минималните утрински температури ќе се движат од 7 до 11 степени, додека максималните дневни ќе достигнат меѓу 11 и 14 степени.
Во Скопје се очекува слично време – променливо облачно со услови за повремен дожд и умерен јужен ветер. Минималната температура ќе се спушти до 9 степени, а максималната ќе достигне околу 13 степени.
Во среда следува влошување на временските услови со врнежи од дожд, кои локално ќе бидат пообилни и ќе надминат 25 литри на метар квадратен, особено попладне и во текот на ноќта. Во западните делови врнежите ќе преминуваат во снег. Ќе дува засилен јужен ветер со брзина над 60 километри на час.
Поради продор на постуден воздух и засилен северен ветер, во четврток врнежите ќе бидат претежно од снег, при што во западните делови се очекува формирање нова снежна покривка. Во петок времето привремено ќе се стабилизира, но за време на викендот повторно се најавуваат локални врнежи од дожд и снег.