Поранешниот натпреварувач на „Ѕвездите на Гранд“, Александар Мишојчиќ – Ксандер, доживеа сообраќајна несреќа во Хрватска кога неговиот автомобил излетал од коловозот. За среќа, пејачот поминал без повреди, а веднаш по настанот ја сподели и снимката од несреќата на социјалните мрежи.
Мишојчиќ им се заблагодари на сите за грижата и потврди дека најважно е што тој и неговите сопатници се вратиле живи и здрави.
„Вистина е, имавме лоша среќа во Хрватска, се вративме живи и здрави и тоа е најважно сега. Ви благодарам што прашавте, сето ова траеше многу долго и немав време да одговорам на сите“, напиша пејачот во својата објава.
Пред самата несреќа, тој објавил видео од автомобилот во кое се гледа дека условите за возење не биле најповолни. Инаку, ова не е прв инцидент за Ксандер во Хрватска; минатиот декември тој беше приведен заедно со Гога Секулиќ откако навигацијата ги одвела на неактивен граничен премин.