Главниот град на Македонија утрово се најде на 57-та позиција на глобалната листа на најзагадени градови во светот. Според најновите мерења на платформата „IQAir“, Скопје бележи индекс на квалитет на воздухот (AQI) од 61, што го сместува градот во т.н. „жолта“ или умерена зона.
Иако оваа вредност е значително пониска од критичните нивоа што често се бележат во текот на зимските месеци, Скопје и понатаму останува меѓу градовите со забележително присуство на ПМ честички. На оваа позиција, Скопје се најде веднаш под Адис Абеба (Етиопија), а пред францускиот град Лион.
Со измерениот индекс 61, квалитетот на воздухот се смета за прифатлив за повеќето граѓани, но експертите предупредуваат дека сепак може да претставува умерен здравствен ризик за исклучително чувствителните лица.