Возрасен маж е тешко повреден откако вчера претпладне бил нападнат од мечка во атарот на прилепското село Рилево, општина Долнени.
Нападот се случил околу 10:00 часот наутро, додека мажот собирал печурки во шумскиот предел.
Од нападот на животното, тој се здобил со тешки телесни повреди.
Повредениот бил забележан од ловџии кои веднаш го пренеле во болницата во Прилеп. Поради сериозноста на повредите и потребата од специјалистички третман, мажот подоцна бил транспортиран во клиниките во Скопје.