ВМРО-ДПМНЕ преку соопштение реагираше на изборниот резултат на кандидатот на СДСМ, Венко Филипче, со ироничен осврт на неговиот настап во кампањата и резултатот во првиот круг од локалните избори.
„Филипче направил одличен резултат на овие избори. И бидејќи е добар резултат го повикуваме да го повтори истиот. И сè додека Заев наредува, а Филипче исполнува, СДС е на добар пат да ја повторува оваа состојба. Му честитаме. Не можеше подобро!“, се наведува во реакцијата на партијата.
Од ВМРО-ДПМНЕ додаваат дека очекуваат „уште многу вакви успеси“ од СДСМ.
„Им посакуваме уште многу вакви успеси кои се за нив очигледно одлични, но за Македонија, за жал, се тешко потсетување на реалноста која СДС ја носи со себе“, стои во партиското соопштение.