Општина Велес започна со изведување градежни активности за реконструкција на дел од регионалниот пат кој минува низ приградската велешка населба Превалец, од кај рампата на железничката пруга до излезот од населбата, кај „Макпетрол“.
Општина Велес дел од работите од првата фаза која е во тек ги изведува со средства од општинскиот буџет, а во втората фаза ќе ги изведува со финансиска поддршка со Јавното претпријатие за државни патишта и ЈП „Македонија пат“ како изведувач на работите.
Како што денеска информираат од Општина Велес, во првата фаза која е во тек се поставуваат рабници на дел регионалниот пат кој минува низ населбата Превалец од кај рампата на железничката пруга до излезот од населбата кај „Макпетрол“, а во должина од 400 метри, а по што ќе следи поплочување на дел од тротоарот.
По завршување на овој дел од градежните зафати на истиот потег од кај преминот на железничката пруга низ населбата до излезот од населбата кај „Макпетрол“ Општина Велес во соработка со ЈП за државни патишта како финансиер и ЈП „Македонија пат“ како изведувач во втората фаза – следната недела ќе се изврши гребење на стариот асфалтен слој и постилање на нов асфалт.