Сообраќајот на патот А1 Прилеп-Градско кај „Заполошки мост“ е нормализиран откако беше во прекин од синoќа во 22:40 чaсот поради сообраќајна несреќа, информира АМСМ.
На 21.10.2025 година во 07:40 часот Товарниот сообраќај спрема ГП Блаце е пренасочен.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.