Снимки кои протекле од канцелариите во општина Кичево му отвораат сериозни проблеми на градоначалникот Дехари пред локалните избори имајќи предвид дека страница на социјалните мрежи објавува делови и во некои од нив навистина се слуша глас кој изгледа како да е на градоначалникот.
Од фејсбук-профилот на Ел Чека се сугерира дека станува збор за гласот на Дехари кој ја повикува вработената да дојде до него, да му седне во скутот, а се слуша нешто како бакнеж.
Пред шест години од истиот профил Ел Чека беа објавени десетици бомби од кои можеше да се слушнат бројни инкриминирачки работи за членовите на владејачката ДУИ и за Дехари. Тогаш Основното јавно обвинителство во Кичево поднесе обвинение против Шеќерим Ахмети.