500 работни места: Нови две инвестиции, најави Мицкоски

Премиерот Христијан Мицкоски најави две нови инвестиции во наредниот период кои треба да вработат 500 луѓе.

-Преговараме и очекувам овој месец, до крајот, да имаме две инвестиции. Едната ќе биде проширување на еден постоен погон, а другата ќе биде сосема нова инвестиција коишто ќе обезбедат, отприлика, до 500 работни места. Инвестициите ќе бидат до кај 50-тина милиони евра. Очекувам овој месец да ги завршиме, рече Мицкоски. 

Вели дека и за декември планирано е склучување договори за нови инвестиции.

-Веќе следниот декември најмалку уште две и почеток на една со ставање на камен темелник. Инвестициите ќе бидат во градежништво и во автомобилската индустрија, рече Мицкоски.