Управата за хидрометеоролошки работи ги објави официјалните податоци за температурите во Македонија измерени попладнево во 14 часот.
Според мерењата, Гевгелија е најтоплиот град во државата каде живата во термометарот се искачи до високи 38.5 степени.
Веднаш зад Гевгелија се наоѓа Демир Капија со измерени 37.8 степени, како и Струмица каде се регистрирани 37.5 степени.
Високи температури се измерени и во останатите градови во централниот и јужниот дел од земјата.
Во Кавадарци се измерени 36.3 степени, во Виница 35.4, додека во Битола и на Зајчев Рид во Скопје температурата достигнала до 35.1 степен.
Во Штип и Прилеп термометрите во 14 часот покажувале околу 34.5 степени, во Тополчани 34.2, а во Скопје-Петровец се измерени 33.7 степени.
Посвежо е во Тетово со 33.2 степени, Крива Паланка со 33.1, Куманово со 32.4, Претор со 32.0 и Берово каде се измерени 31.4 степени.
Под границата од 30 степени попладнево се Крушево со 29.6 степени, Радовиш Пожар со 29.4 и Ѓуриште со 29.2 степени.
Најниски температури, очекувано, се регистрирани на планинските мерни станици, односно 27.2 степени во Маврови Анови и 21.2 степени на Попова Шапка.