Претседателот на Украина, Володимир Зеленски денеска изјави дека Унгарија ги врати парите и златото на украинската „Ошадбанка“, што унгарските тајни служби ги запленија во март.
Во операцијата беа запленети околу 82 милиони долари и злато под сомнение за перење пари, а беа приведени и седум Украинци. Киев тоа го оцени како рекетирање.
Сите средства и злато се целосно вратени во Украина, наведе Зеленски, истакнувајќи дека тоа е „конструктивен пристап“ од страна на Унгарија и „цивилизиран чекор“.