Стануваат познати нови, драматични детали за бомбашкиот напад врз домот на балканската ѕвезда Здравко Чолиќ. Како што дознава српски „Телеграф“, во моментот на експлозијата, околу 5 часот наутро, во вилата биле присутни пејачот, неговата сопруга Александра и помладата ќерка Лара.
Единствена која не била дома во моментот на детонацијата е постарата ќерка Уна. Извори блиски до истрагата велат дека страшниот звук ги разбудил сите домашни, но и целото соседство на Дедиње. Иако нападот се случил во раните утрински часови, случајот во полиција бил пријавен неколку часа подоцна.
На терен се бројни полициски сили и форензичари кои ги прегледуваат снимките од надзорните камери за да го идентификуваат напаѓачот. Истрагата ја води Вишото јавно обвинителство во Белград.