Проектот за уредување на коритото на реката Серава и изградбата на нова пешачка патека во Бутел влегува во својата завршна фаза, соопшти градоначалникот на Град Скопје, Орце Ѓорѓиевски.
Проектот опфаќа нова пешачка патека во должина од 1.590 метри, наменета за рекреација и прошетка на граѓаните.
Во рамките на уредувањето е поставено современо ЛЕД осветлување, нови клупи, урбана опрема, зеленило, како и нови детски игралишта.
– Нашиот народ предолго слушаше ветувања. Време е да гледа дела. Чекор по чекор, проект по проект, го менуваме Бутел и го градиме Скопје какво што заслужуваат неговите граѓани. Не застануваме. Скопје го правиме заедно. По скопски! – истакна Ѓорѓиевски.
Со ова, по две децении, овој дел од општината Бутел добива целосно нов и уреден изглед.