Заев: Усвоен договорот за коалицирање со ДУИ

Лидерот на СДСМ, Зоран Заев по седницата наЦентралниот одбор на партијата, ги истакна одлуките кои што беа донесени вечерва. Тој потврди дека на седницата е усвоен договорот за коалицирање со ДУИ и ги соопшти предложените министри.

-Централниот одбор на СДСМ ја одржа 16-та седница, на која се донесоа важни одлуки околу формирањето на новата влада. Се усвои договорот за коалицирање со политичката партија ДУИ. Со тоа е обезбедено парламентарно мнозинство за формирање на Влада. Имавме големина јас и Ахмети, се согласивме јас да ја водам владата 4 години, а во последните 100 дена да има премиер по предлог од ДУИ. Слеуваат конкретни итни мерки за финансирање на капитални инфраструктурни проекти. Во делот на судските реформи, ќе инсистираме на силна транспаретност и одговороност во распределбата на предметите. Следува прочистување на судството и потекло на имотот и парите, рече Заев.

Според него уште повеќе ќе продолжат инвестициите во јавното здравство во битката против коронавирусот.

-Во делот на надворешната политика, продолжуваме на имплементација на договорите со Грција и со Бугарија, како и Рамковниот договор. Овие принципи ќе ги реализираат професионални, отчетни и одговорни кадри посветени на интересирите на граѓаните. Централниот одбор ги прифати предложените кандидати за министри, рече Заев.