Развојот на вакцина против хантавирус е можен, но доколку се почитуваат сите медицински стандарди и фази на тестирање, тој процес би можел да трае неколку години, смета епидемиологот на Руската академија на науките, Генадиј Онишченко.
Тој посочува дека науката е подготвена, но дека регистрацијата на лекот бара време.
„Подготвени сме да произведеме вакцина. И тоа не е толку научен предизвик колку технолошки. Може да се направи на ист начин како што направивме со коронавирусот. Но, се разбира, ако ги следиме сите стандарди за регистрација на лекови – претклинички испитувања, потоа три фази на клинички испитувања – самиот процес на регистрација ќе трае неколку години“, изјави Онишченко за ТАСС.
Според рускиот експерт, моментално постојат над 40 соеви на овој вирус, па затоа е клучно да се одреди против кои соеви е најпотребна вакцинација и која популација би била целна група.
Онишченко нагласи дека борбата против ширењето на хантавирусот во голем дел зависи од самите граѓани и нивната дисциплина. Тој советува да се избегнуваат патувања во ендемски подрачја, како Аргентина и земјите од Југоисточна Азија, особено додека нема достапна вакцина.
Хантавирусот главно се пренесува преку респираторниот тракт, близок контакт, но и преку храна доколку не се складира соодветно. Предупредувањето доаѓа откако во април годинава избувна епидемија на крузер кој патувал од Аргентина, по што СЗО алармираше за можен пораст на случаите поради долгиот период на инкубација.