Српскиот претседател Александар Вучиќ најави дека во недела, 27 септември, ќе поднесе оставка од функцијата претседател на Србија. Истата вечер, како што најави, ќе им се обрати на граѓаните и ќе им се заблагодари за поддршката.
Вучиќ претходно најавуваше дека ќе се повлече пред предвремените парламентарни избори закажани за 25 октомври, на кои планира да учествува како кандидат за премиер.
По неговата оставка, функцијата шеф на државата привремено треба да ја преземе претседателката на српското Собрание Ана Брнабиќ, до изборот на нов претседател.
Вучиќ е на врвот на српската политика повеќе од една деценија, како премиер или претседател, а најавената оставка доаѓа во период на долготрајни студентски и антикорупциски протести во земјата.