Српскиот претседател Александар Вучиќ изјави дека српската армија денес е значително посилна отколку претходно, но нагласи дека Србија нема агресивни намери кон ниту една држава во регионот.
Тој истакна дека зајакнувањето на воените капацитети има за цел зачувување на мирот, стабилноста и безбедноста на земјата, додавајќи дека Србија вложува во модернизација на вооружените сили.
„Српската војска денес е многу посилна, но немаме агресивни намери кон никого“, порача Вучиќ.
Според него, силната армија е важен фактор за одвраќање на потенцијални закани и гаранција за безбедноста на државата и граѓаните.
Вучиќ додаде дека Србија ќе продолжи да инвестира во одбранбениот сектор, но дека приоритет остануваат мирот и стабилните односи со соседите.