Српскиот претседател Александар Вучиќ денеска остварил едночасовен телефонски разговор со рускиот претседател Владимир Путин, при што фокусот бил ставен на енергетската соработка и продолжувањето на договорот за испорака на руски гас по поволна цена.
Договорот истекува на 30 септември, а според најавите, Србија очекува да продолжи да плаќа 318 евра за 1.000 кубни метри гас, наспроти актуелната пазарна цена од околу 868 евра.
– Верувам дека по денешниот разговор договорот ќе биде продолжен и дека ќе обезбедиме стабилно снабдување со гас – изјави Вучиќ.
Покрај енергетиката, двајцата лидер разговарале за состојбата во НИС, билатералните односи, војната во Украина и можното учество на Руските железници во инфраструктурни проекти. Вучиќ му се заблагодарил на Путин и за помошта при гаснењето на пожарите со ангажирање на авионот „Иљушин“.
Кон крајот на разговорот, српскиот претседател го информирал рускиот колега за неговата одлука да се повлече од функцијата.
– На крајот, во име на Република Србија и во мое лично име, ѝ се заблагодарив на Руската Федерација и на претседателот Путин за соработката во изминатите 14 години и го информирав дека утре поднесувам оставка – изјави Вучиќ.
Очекувањата се оставката да биде поднесена во недела, 27 септември, околу 20 часот.