Победата на опозицискиот лидер Петер Маѓар на парламентарните избори во Унгарија продолжува да ги привлекува погледите на регионалните лидери. Меѓу првите кои јавно се огласија е српскиот претседател Александар Вучиќ, кој упати честитки до новиот унгарски лидер.
Овој потег доаѓа во момент кога Унгарија ја затвора една од најдолгите политички епохи во поновата историја, обележана со 16-годишното владеење на Виктор Орбан. Со проектираното уставно мнозинство од 135 пратенички места, партијата „Тиса“ на Маѓар се подготвува за длабоки внатрешни реформи и промена на надворешнополитичкиот курс на државата.
Честитката од Вучиќ се толкува како обид за одржување на стабилни добрососедски односи, без оглед на радикалната промена на политичката гарнитура во Будимпешта. Иако досегашната соработка меѓу Вучиќ и Орбан беше на многу високо ниво, новиот политички контекст отвора прашања за тоа како ќе се развиваат односите во иднина.
„Честитки до Петер Маѓар за изборната победа. Уверен сум дека силната соработка меѓу Унгарија и Србија ќе продолжи да се развива. Исто така, сум му благодарен на Виктор Орбан што помогна да се овозможат такви односи.“, напиша Вучиќ на Икс.
Congratulations to Peter Magyar on his electoral victory. I am confident that the strong cooperation between Hungary and Serbia will continue to grow. I am also grateful to Viktor Orbán for helping make such relations possible.
— Александар Вучић (@predsednikrs) April 13, 2026