Колку повеќе Али Ахмети се обидува да го заштити Артан Груби, толку повеќе остава впечаток дека го турка во спротивна насока, оценуваат од Вреди.
Оттаму потсетуваат дека и претходно Ахмети тврдеше оти против Груби нема да биде поднесено обвинение и дека тој ќе биде ослободен, но, како што наведуваат, се случи спротивното. На Груби му беше продолжен притворот, а против него беше отворена постапка.
„Што сака да спречи Ахмети? Дали се плаши од тоа што Груби би можел да го каже? Или свесно го жртвува Груби, мислејќи дека така ќе си го расчисти патот за враќање на власт?“, прашуваат од Вреди.
Од партијата оценуваат дека со тврдењата оти Груби е невин, Ахмети всушност врши политички притисок кој може да има спротивен ефект.
Вреди смета дека јавниот политички притисок врз судот во случајот со лице кое се наоѓа на црната листа на САД може да има спротивен ефект, додавајќи дека ваквиот пристап го оценуваат како политички ризик за Ахмети.
Од Вреди се осврнуваат и на политичките најави на ДУИ за враќање во Владата, оценувајќи дека тие не се оствариле и дека партијата, според нив, забележала слаб резултат на локалните избори.
„Сега се обидува и случајот на Груби да го претвори во уште една политичка коцка. Само што овојпат на коцка не е само Груби, туку и самиот Ахмети“, наведуваат од Вреди.